Titi nikhua chang hian , i tawng chu a va awn e..!! min tih saktu ka tawng leh nawlh thin, ka zep lo....ka tawng huatthu ni lo se, thenkhatte pawhin Isua hi Thuama an tih ve tho kha maw!!!
Chawhmeh hming Kawlnal hi in lo hre tawh ngai em? khalam ah kha chuan Bawrhsai-a be in ti in ka hria, Tawlhpahrit intih te pawh hi helamah chuan a nal a tawlh thlak a nuam em avangin Tawlhpanal kan ti sam et mai a sin, a in hmeh phian leh nghal. In bahkhawr hi rimchhia kan tih em avangin rimchhete kan ti then mai. Helamah thil kan lo hmelhriat ve dan hi mak tak chu a ni. Anih leh Pomgranate hi engtin nge in koh ve? helamah chuan theibuhfai tiin kan lo hmelhriat daih asin. Nihawichi te hi kan chip kan chip thin avang hian Chip-chi kan ti sam et mai.
Khalam leh helam tawng chu tlem chuan a lo dang ve deuh ani, Mizo tawng a ni vek tho a, kan bo thui em nang. Kan in zirtir zel aniang chu.
1 comment:
Ni e, kan tawng keuchheh leh hmandan hi a thuhmun vek thei lo tih hria ila. Mahse, Mizo dialect chikhat vek a ni tihah chiang ila. Chutihrualin Thuziak leh lehkhabu vel atan chuan hmandan tlanglawn ber leh mi tam ber hmandan hi hmang thei ila. Chu chu standard ang deuh pawha kan ngaih a that a rinawm. Kan tual leng dialect hi ziakin kan hmang vek kher lo thei a, Mahse, chumi avanga Mizo tawng diklo dawn dawna ngaih erawh a dik lo. Champhai lam dialect leh Lunglei lam dialect te chu tam tak a inang lo. Aizawl ngei ngei pawh a inang vel lo va. Mahse ziakah erawh a danglam tam thin lo.
Post a Comment