Sunday, September 28, 2008

Pi Pu-te tawngkauchheh

Chawl rei ta vang vang bawk a, hman lai chuan maw..i han ti leh daih teh ang.
Hman lai kan pi leh pute khan nupui pasal neihdan kawng fel tak an nei a, tunlai mite inneihdan nen chuan a in ang lo hle!! Tlang chang tur lal tlangvalte nupui en dan pawh a sang hle a ni. Mizo inneihdan a an thumal hmante tlem i lo sawi dawn teh ang.

Luhkhung: Inneih dan tluangtlam lo deuh, nula zawk mipa Inah luh hi luhkhung an ti.

Fan: Hei pawh hi inneih dan tluangtlam lo, mipa zawk hmeichhe Inah luh hi.

Lungvar: Mipa lam in Palai tir in nula an va biak hi Lungvar an ti.

Khawnthriang khawn: Hei hi Inhual lawkna ang deuh a thu lo thlun lawk dan ani a, Nula leh tlangval te chu inringhlel tawn hauh lova an induh tawn chuan, nula pa chuan tlangval leh a fanu chu khawnthriang a khawntir thei.(Innei ngei tur a thuthlunna a ni).

Zawlpuan phah: Hei pawh hi Innei ngei tura thuthlun lawkna ani.

Insawi ni: Palai in engkim an sawifel hnu chuan, inneih ni tur an ruat a lo thleng a, chu chu Insawi ni an vuah.

Lawichhiat zan: Insawi ni zanah mo chu mipa In lamah a lawi a, chu chu lawichhiat zan an ti.

Induh zan: Lawichhiat zan la la chuan monu chu a haw leh a, a tuk ah a bungrua zawng zawng nen a lawi leh a, a riak nghal a, hei hi Induh zan/ Lawithrat zan an ti.

Rem Ar: Nula leh tlangval chu an innei nghet ta ani tih entir nan Sadawtin ar chu buhtlei hman lai ngei in a vaw hlum a, chu chu Rem ar talh an ti.

Zawlpuan: Mizo hmeichhiain pasal an neih in pawndum an chhawm tel ngei thin a, chu chu Zawlpuan an ti.

8 comments:

Jerusha said...

Hriat ngai loh va tam ve! A thra hle mai tihian I rawn dah a, mahse tihian a tu amah hian hman tum ta miah si lo ila, nakkiiin generation ah chuan heng threnkhat hi chu a bo tawh thei mai ang a te ka ti rum rum

Malsawmi Jacob said...

A bengvar thlak e.

luliana said...

Ka hriat loh a tam zawk tlat mai a :(

Awzzman said...

@jerusha: nia heng tawngkam te hi thangtharte ho hian hman tum ta miah lo ila, engtik ni ah emaw chuan a bo ngei nag le...!! tan ila thar leh teh ang u.

@mesjay: chu i beng a var sawt elo? a lawmawm e...

@luliana: high sikul a kan zirlai ka la hriat chhun te ka han sawi ve ani e.

Puibawiha said...

Fan tih hi ka lo hre ngai lo va, makpa chhungkhung kan tih nen hian a in ang mai em le.

Awzzman said...

@puibawiha: in ang deuh mahna..., mipa zawk hmeichhe in ah luh ania...hre bik lo,lolz

Unknown said...

i ti tha e,
inneihna lam i rawn ti ta sa sa inthen dan hrang hrang te kha i la collect leh thei lo maw??? Pawl sawmpahnih-ah khan ka zir thin a mahse hriat ka nei tawh lo reng reng. Tunlai mi tam zawk te pawh hian an hriat bik ka ring lo.

Anonymous said...

tha hle mai.....class 10 mizo subjectah letter mark hmu om reng i lo nih hi mole!!