Friday, May 29, 2009

Mizo Doctor te hi

Thiamna a sang chho zel a, kan ram ngei ah Mizo doctor thiam tak tak rawn tur an awm ve ta, khawl changkang ber ber chi nen damlote enkawlna damdawi in tha tak tak pawh kan nei ve ta. Mizo Doctorte zingah specialist kan nei ve nual ta bawk a, a lawmawm hle. Mahse kan doctorte hi an thiam tawk lo nge/ an fimkhur tawk lo aw, ka ti thin. Kum 2005 khan ka Pate-a awmpui in RIMS(Imphal) ah thlakhat zet kan awm ve a, Mizoram lam unau pa pakhat hi a rawn awm ve a, ti hian a sawi "Aizawl ah doctor(hming thup) in tum thum zet ka ngal ruh hi an zai tawh a, mahse zai-dam tih tak tak a awm thei si lo, hei ka beidawng in Imphal ka rawn pan a nih hi a ti". Vawikhat an zai ah khan a "condition" chu hre mai awm tak, tum thum ngawt zai lo khan, phai ramahte han refered nghal mai se, damlo tan pawh a zia awm deuh tur..te ka lo tih pui mai mai a! Tin, tunah hian Aizawl lam mi tho, nu pakhat a malpui ruh tliak thir an zawmna a mawng lamah a lawr tlang a,chumi chu siam tha turin Imphal a rawn pan ve bawk ani. Ti hian ka ngaihtuah ve mai mai thin a, kan Doctorte hi an thiam lo chu a ni bik hauh lo,mahse an fimkhur tawk lo deuh em ni chu aw..ka ti thin.

RIMS a PG zirlai pa pakhat pawh kha(kum tam a liam ta), damlo a rawn kan te hian zu rim a nam rengmai kha nia, tunah a chanchin ka hriat dan phei chuan khawi lai District hospitalah emaw ni medical officer in a awm tawh e, an la ti leh ta nghal. Damlo ho ka ngaihtuah thin khawpmai.

11 comments:

illusionaire said...

Ni e... kei pawh ka hmu ve fo i sawi ang ho hi chu...

Chuan zu rim nam leh mahni hna thiam vaklo tih rual hian ka huat leh em em pakhat chu... vai ramah doctor kan han hmu a, zah deuhvin min han en dik vela, min be tha a... Mizo doctor ve ho hi chu an han in chhuang ve khanglang te, Pathian emaw an nih intihna te hi ka ei lo bawn tawp a ni.

illusionaire said...

Mahse doctor te kan hmelhriatte an nih vaih hi chuan a nuam leh thung :D

Varte said...

Kan Mizo Doctorte(han ti bik ila) hi an thiam ve viau tho ang, i sawi ang hian an fimkhur tawk lo niin ka lo ngai ve thin. Tin, Mipui te hi kan phunchiar lo khawp mai a, a nachang kan hriat loh vang nge, Doctor-in a tih ang ang hian la awm mai ching kan awm, ka hriat lohna vang a ni ve thei. Tun ai hian kan duh loh zawng chu sawiselin phnuchiar ila, an in siamthatna turte pawh a awm ve mai thei.

VaiVa said...

An fimkhur tawk lo fo. Mizoramah chauh lo pawh India ramah hi chuan a la ni deuh a ni e. US ang khuan health care hi sawrkar hian ngaipawimawh in insurance te nen fel takin nei ve tawh ila chu, hmanhmawh tak leh chhe tak chuan prescription note an ziak bik nang.
Ti chuan, patient history fel takin an dictate anga, transcriptionist ho tan lah hna tau a teh belh ni mai. Fimkhur loh rah hi lawsuit hian an la um zui ve hunah chuan la fel ve mai ang

luliana said...

Generalise tawp chi chu a ni lovang, mahse i sawi hi a dik ve nachen chu a awm...

Nia, a bulpui berah chuan mipui kan phunchiar lo lutuk hi anih mai hmel chuan ka hria...kan inngaidam zel thei hi thlarau lam atanga en chuan a ropui viau, mahse a tha ber em?!!

Joseph L said...

Mizo doctor hemi zat zingah hian za ah sawm pawh an tling kher lo ang, mahse hetiang te hian an zavaiin an hming a tichhe thin a ni. Chuvangin, i phunchiar ila, i ngeng teh ang u. Sandman sawi angin, hmelhriat leh thiante an nih chuan nuam viau mahse, kan thiante hlei hlei chu an hnathawh lai te a nih chuan insum tura fuih zawk hi a tha zawk a rinawm.

Awzzman said...

e khai kei chauh lo pawn in lo tawng nualtawh anih hlawm hi maw!! nia,Doctor an nih mai vang hian sakei hlauh lo ila,a tul anih chuan mipui pawh in tawngchhuah i tih lovang u! hei a lan dan chuan tun a tanga kum 3 hnuah chuan specialist mi engemaw zat an rawn awm leh ngei ang a(tunah hian RIMS ah PG Mizo zirlai 20 vel an awm mek). khua rei in a la hril ang chu...

Doctorte mipui in kan zah der ang hian Dr te ho pawh hian Mipui(patient) hi zah der ve se....!!

Damlo te tana rawngbawl tur a inpe tawh rau rau chu...asur a sa pawh an sawi tur ani lo.....!!

in comments hlu tak2 avangin ka lawm e.

OpaHmar said...

Luliana sawi ang deuh hian- Mizote chu kan rilru a tha a, chubakah kan inhmelhriat fur a, action han la dawn poh ni ila tu nute-i pasala thenawm nilum aipui emaw kha an lo ni reng a....

Illusionaire - Mizo doctorte'n damlo an zahlo chu nepte, vai doctorte hi an ni rapthlak chu, a bikin north India ah: damlo (rethei lam phei chu)ran ang velin an en a ni. Mizote hi chu kan la fel zawk khap, mahse kan zelthel lek2 chu a ni
chuan, privatisation nasa ltk hi kan chhiatpui bawk, doctorte inkarah co-operation a tlem ltk

bawmrang said...

Hotupa RIMS a PG Mizo zirlai 20 te chuan heng thuziak leh comment tehi lo chhiar ve se a va trha dawn ve.

Awzzman said...

@opa: ni e privatisation avang hian, Dr te pawh hian sorkar damdoi inah an tih theih reng pawh hi...an thawhna(private) ah an refer zel chu a nih hi....

@bawmrang: ni e, mizo blogger world ah hian an rawn leng lut ve anih chuan...an chhiar ve em ang chu!!! an beng a thlen theih nan..tan lak ngei chu angai.

Anonymous said...

RIMS atang chuan ka rawn chhiarin ka rawn comment ve ngei e :)
doctorte hi mihring ve mai tho, famkim biklo an ni.
Tin hei aia tha zawk khawl mizaramah a awm hunah hei ai hian mizo doctor te hi an thiam zawk ngei ang....
i U