Thursday, February 21, 2008

Zo Pa Damdawi

Zo Pa Dawmdawi hriat vete hi mi sawi chhawn leh "an ti" rih atanga ziak ani ber a,chuvangin a hmang ngam chuan hmang se,hmang ngam lo chuan hman loh mai a thra ang,a ziaktu in mawh a phur lovang.Thenkhatten kan tangkangpui mial mahna ti in ka rawn hlui ve tawp mai.

Hnara hlit awm:Hnara hlit awm tihchhuah nan tuibur al te,vaibel ek te,kawi mu chiahna tui thun te a tha a sawi ani.

Hnute trang lutuk:Hnute trang lutuk tih kam nan phuihnam chhum ei in a kam duh an ti.

Khawmual kaikuang seh:
A sehtu chu man theih chuan tan bun a,a tui hnai chu hnawih a thra.

Khuai seh:A sehna lai ah samtrawkte rah hmeh keha hnawih a thra.

Khawsikpui:Lakhuihthei rah hmin vel a,a tui sawr in thra hle a sawi ani.

Kang:Mei kang atan bawng ek hring dai thra a sawi ani,tin kang dangah chuan khawnvartui hnawihin a sa huam huam a tinep.Lehkhatui hnawih a thra bawk,a kang laiah a ser loh nan eng thisen pawh chulh a thra.

Khawihli:Theipui rah hnai,zawlnei Isaia sawi kha kan hmang ve a,a thra hle an ti.(Isaia 38:21)

Lungphur thak:Chithlum hi lungphur thakah chulh in a thak a reh duh hle,chi pawh hi hnawihin thra ve a sawi a ni.

Mit per palh:Hmawlh emaw,lungtein emaw a per palh a,men a harsat deuhvin mahni zun hnawihin men a nuam ve deuh hlek thei a sawi ani.

Mita hmarcha thak:Ke zungpui pahnih tuiin leih huh ve ve ila,lak ang hlauh ani an tih chu!!!

Nausen zan trah vei:
Nausen zan trah vei a,trap lak lawh fo te,nu leh pa in inpawm chhawk vat vat khawpa trapte hi an mawngkaw keh karah sa-um hnawih seuh ila,an bang ve der mai an tih chu!!

Pumpui chak lo
(Khuh vei):Chukchu pho ro tui litre chanve velah hang tham turin chhuan so tur ani,a tui alo kang a,litre chanve chanve vel awm alo nihin thli thianghlim la,chu chu in tur ani.

Vawksa ei thei lo:Thangfen sa ei sela,an ei theih phah leh mai an ti.(Thangfen???)

Zunthlum:Zunthlum damdawi atan zawngte nawhlung(hnim chikhat)hnan chhumna tui damdawi anga in theih hi thra a sawi ani.

Tunlai damdawi nen chuan tehkhin rual va ni suh,mahse zo pa damdawi hriatte hi a duai bik lo khawpmai.Awi la awi suh....!!



source:Pi Pute tawngkauchheh by C.Saizawna

8 comments:

Jerusha said...

Engtin nge hnarah hian hlit hi a tan theih le mak ee..ka rap ropui! Khawsikpui a lakhuih thei tui sawr tih khi..a thawh duh lo hmel eee..

Awzzman said...

@jerusha:kei chu khawsikpui a lakhuihthei tui sawr in khi chu ka ring ev deuh a sin...zo pa thluak nge nge...

Zoah said...

Mak thei vele!!!
Mak ve deuh mai pakhat chu ZANGNADAWMNAN (chhiar sual a awl viau, chhiartuteu uluk takin aw) pawisa nuaih hnuai nilo dawn hi a tha an ti!!!

Puia said...

A tha thin e.. Mit ah hmarcha a luh chuan kezungpui tuiah chiah tur.. tih te pawh a awm kha mawle. Tin, Hling hnai nei kan tih mai, pal hung nana an hman thin pawh hi han sah hian a hnai hi a per duh khawp mai a. Mitah a luh palh chuan a del thei hial a ni awm e. In mitah a lut palh a nih chuan, tu emaw hnute tui kha i mitah thlawr tir la, a reh hmak an ti.

Awzzman said...

@puia:va hre ril raih2 bik ve le..rilru ah ka vawng reng ang..ehemzzz.Hnute tui sawi tak ah chuan mit na ah pawh hian a tha an ti tak a sin..mit sen remrum,mit thak ah te hian...

Awzzman said...

@zoah:chuti chu lei vat chi a nih chu..hehe

Azaia said...

Nausen zan trah vei:Nausen zan trah vei a,trap lak lawh fo te,nu leh pa in inpawm chhawk vat vat khawpa trapte hi an mawngkaw keh karah sa-um hnawih seuh ila,an bang ve der mai an tih chu!!


la tih chhin tur anih hi..lolzz

Awzzman said...

@azaia:nia nausen zan tah vei hi...sa-um tat zeuh..hehehe han test chhin teh khai.