Saturday, February 16, 2008

Hmeichhia v/s Minu

Mizote pawhin hma kan sawn chho ve zel a,kan Mizo Hmeichhiate zingah pawh thiamna sang tak tak nei an awm ta nuk mai,an zirsang ta lutuk nge ni hei hmakhawsang atang tawha kan lo hman Hmeichhia tih tawngkam pawh Minu tih a thlak an duhthu an au chhuahpui ta hlawl mai!!! Hmeichhia tih tawngkam hi kei mawi ka lo tih teh lul nen,eng rilru nge an put tak le?an tran chhan ni a lang chu ‘nupui pahnih na a pawh a chhia leh nghal’tih hi a ni ber awm e,nia Hmeichhia tih tawngkam hi han thendarh chuan a mawi vak lo em a tin ni!!hmei tih chu nupui pahnihna ani mai a,chuan chhia hi chu thra lo ani mai a,mahse Hmeichhia tih hi thumal a ni a,lak hran theihloh thu inzawm tlat ani tih hi kan hriat a thra ang.,hetia thumal thensawm a a awmzia hrilhfiah kan tum chuan Mizo tawng tamtak hi thlak a ngai ngei ang,entirna:-Chepa a awm chuan Chenu awm ve awm tak,mahse a nu hming kohnan Chepa kan hmang tho si a,hmeichhe inti mipa ho te hi Patil kan ti a,an neih loh hlir a ni!!!Chakai te pawh hi an nihna ang taka kan ko dawn anih chuan sirkal kan tih a tul tawh ang.Luang lah hi a luang del del si lo a awmna ah nghet takin a awm tlat si,Chuvangin Hmeichhia hi Minu a kan thlak dawn a nih chuan a chungah kan sawi tak te pawh khi thlak vek a ngai dawn ani.

Hetia hming awmsa thlak tum lo hian Mizo tawnga kan la neih lo thil tam tak a awm,hengte hmang hian Mizo tawng thu thar chher chhuah tum zawk ila.entirnan:-Comics hi lemthubu han ti zan mai ila a in hmeh phian lo maw?Radio chu thingrem zaithei kan ti mai a,bicycle te pawh thirsakawr kan tih leh mai.Mahni chuah tel na bik pawl siam hi a thra em?kan dinhmun a sang phah em?YMA,MZP.TKP,KTP etc te ang hian inngeih takin thawk tlang ila,kan harsatna pawh a kiam phah zawk mahna.Tunhma zawnga Hmeichhia ni char char kha tunhnai mai a Minu nih han duh thuk tak chu!!!!kan thleng sang tial tial a,ngaihtuah loh tur kan ngaihtuah vak a ni mai lo maw?hei vang hi a niang kan pi leh pute`n ‘hmeichhe finin tuikhur ral a kai lo`an lo tih nih,he thufing hi a lova fing tak em.

6 comments:

Puia said...

A ngaihnawm leh pek hle mai. He thil hian Zoramah chuan hmun a chang lem lo na a, bangalore lamah khian an uar fu a. Mahse, chutihrual chuan mizo hmeichhia zawng zawngin an pawm lemlo niin an sawi thin a.

Ka ngaihdan: Mizo Tawng hi tonal language an tih ang chi group ah hian a tel a. Tin, Tawng reng reng hi 'Tihna' vek a ni a. Sap tawnga Woman chu mizo tawng chuan Hmeichhia a ni. Tin, Sap tawnga husband chu Mizo tawng chuan pasal a ni. Mahse, Pasal tih leh Hmeichhia tih hi a hrana thenhran a, Hmei tih leh Chhia tih ang bawka Pa tih leh Sal tih kan lakhran chuan a duhawm vak loh. Mahse hei hi lakhran tura siam a ni lo va. Mizoten Hmeichhia tih leh Pasal tih kan sawina mai a ni.

Chutiang zelin, Makpazangkang tih te thing hming kan nei a, Hreipui zang tih te, etc.. heng te zahmawh leh huatthlala lam thila lak chi a ni lo va, hming a ni ve mai. Vawk chu Sazu pawh ti ila, Vawk a nihna kha a bo thei chuang lo va. Vawk a ni reng tho ang a, kohna chauh kha a danglamna chu a ni.

Chutiang bawkin Hmeichhia tih hi Minu pawh ti ila, hmeichhia an nihna chanvo leh nunphung (identity)kha a ngai reng a. Hmakhawsanga Mizoten duh tak leh duat taka an lo vawn tlat 'Hmeichhia' tih hi thlakna chhan tur a awm lo va. Pasal tih pawh thlakna chhan tur a awm chuanglo. Mipa te pawh SAL kan nihna a awm lo ang bawkin Hmeichhia te pawh Chhia an nihna a awm chuanglo. Kohna mai a ni e.

Awzzman said...

@puia:i comment a ngaihnawm hle mai.

Joseph said...

A ngaihnawm hle mai... ni e.. "Minu" hi ni lo hram sela, "Hmeichhia" ni hle hle sela, Hmeichhia an nih avanga zuk hmuh hniamna a awm bawk si lo.... "minu" pawh nise, kan hmuh san phah vak chuang lo ang.. chuvangin ngai awh tur ta rau rau... inthlak lo law law mai sela a dik mai zawk in ka ring

Awzzman said...

@joseph:a dik khawpmai.Hmeichhia an nih vang kher a chhe ta lutuk a an in ngai thin hi chu..awareness campaign neih a ngai ani..lolz.

Zoah said...

Thlak tur a va tam dawn em!! Lalthianghlima drug addictte, Lalfakawma biakin lawi lut peih lote, Aizawl zawl hauh si lo te...Thil hi alak kawi vek theih a (la kawi duh tan chuan). Hetianga thiltangkai lo pui2 ngaituahna lo sen vak zawng a atthlak em mai.

Nia, Ozz i sawi ang deuh khan, mizo tawnga kan neihlohte hi la lut ve zung2 ila, tichuan kan mizo tawng hi alo hausa ve mai dawn lawm...!!!

Mizo tawnga sawi theih loh kan nei ngah lutuk tlat.!!!

Awzzman said...

@zoah:nia tiraw...ti lo mai ang u..buaithlak em mai.