Tuesday, February 26, 2008

Duhaisam Lanu


Zothlifim F.C ka member pui thian thenkhatten fate mawng an beng lap lap tawh lai in, hei keini ve chu vawin ni thlengin duhthusam in suangtuahna Khawvelah kan la cheng hrih a nih hi. Chumi hun chu engtikah emaw chuan rawn thleng ve ngei tur a han ring phawt mai ila, Duhthusam tham ral mai pawh chang dawn mahse, Kum tluang Thai atan a ka Duhaisam Lanu chu hei ngei mai hi a ni e........!!!!

Hringnun hi a hram em avangin, ka zing kawng chhuk chho takah hian lungngaih na leh harsatna te`n min tlakbuak thin, chumi hunah chuan HMANGAIH tu lo chuan min hnem ngai lovang, engkim dang zawng ai in HMANGAIHNA hi a hlu ber si. Mualphona tlangsan takah ka ding chang pawha ka kiangah ding ngam, min phatsan ngai lotu leh Hmangaihna kut a min kuangkuah thintu ngei chu kum khua ka bulah awmah ka duh a, a kiangah hringnun a dam diai si.

He awmngaih hriat tawh lohna khawvelah hian kei mimawl tak hian ngaihtuahna mawl tak hmangin ka Duhaisam Lanu chu thlir na chi hrang hrang in ka thlir ve a, buh thap, buh thlei, inchhung sekrek khawih thiam lo khawpa changkanna kawng bo Nula hi an lo awm a nih ngai chuan ka tan chuan an sang lua e, ka phu lul lo. An tan ka tling lo ang bawkin ka tan an tling bik lo!!!! Nawmchen duhluat avanga Hmangaihna kawng bo zawh ho ka hmuh chang hian khawngaihthlak ka ti thin, Hmangaihna hi sum a lei theih a ni si lo.

"Khuavangin a chei uluk bik, angel rualte pawhin an thik hian chhungril thatna a khat hi ka tan khuanu hian a ruat anih ngai chuan, chu ngei chu ka zawng zel dawn"

saw tu Pu nge tu Pu mah, amah a tar ti a min sel ve hman hian, he lei ah ka damchhung hi chuan ka Duhaisam Lanu hi ka tawng ve em ang chu maw........!!!

3 comments:

Lal Jo-a said...

duhaisam lanu chu an vang teh mai ania.. i lo duhtui ve lutuk ange aw!! :D

Lal Jo-a said...

nice post :-)

Ka blog ah ka link che a, a pawi em lovang chu.

Awzzman said...

@joseph:nia ti raw..engmah ni si lo hian a duh tui tui ah hian kan tang ang tih ka hlau.. eih a va lawmawm ve..ka lo link ve nghal a che.