Krismas thuchah; Tlangvalte ta tur

"Hman a mi ten lawm lo mahse, Lalpa kan thinlungah lalber ang che" ti a Zoram mipuiten zai an rem dual dual lai in, kan Vairampur ah ve hi zawng..."singh is king" tih hla in min la awi hneh zawk si!!!

Kar hmasa khan nulate ta tur kan sawi tawh a, eng nga ti nge tlangval te tur? tih zawhna a awm nawk avangin, tlangvalte ta tur tlem a zawng sawi ve tha in ka hria a(zawm dawn lo mahse!), Krismas lai a tlangvalte tan fimkhur a tul zia i sawi leh dawn teh ang.

Camp chhuak hlim i ni, i phur thut in thalai zaipawl a i tel ve, tlar khat pawh i sak zawh hma in i aw a lai zel, solfa zai i tui lo, lengkhawm zai phei chu i tui lo leh zual, chutah ruai theh i la ning zui!! I va han van duai tak em!!

I chak chu, tuipuiral ramah miten "we wsih you a merry christmas" an tih rual a lo suk ve dual dual ani, mahse chutiang Krismas lawmna chu he ramah hian an la siam lo, chutiang lam hawi thil chu sawi lo la, ngaihtuah pawh ngaihtuah suh, Mizoram Kohhran ten misualah an chhiar ang palh hlauh dah ang che, camp chhuak hlim Kohhran leh khawtlangin an en ruk mek i ni kha!! Zormah chuan Kohhran in sual a tih apiang hi Sorkarin sual a ti ve zel lehnghal.

Krismas laiin Football emaw, basketball emaw i lek chhuah vaih chuan "mawl lutuk" nih i hlawh dawn, tin bike i neih chuan fimkhur rawh, vengtinah tlawmngai pawl tak tak "venghimtu" an awm a nia, tlawmngaih chhuaka thu an zawh che pawn, insawifiah tumsuh, zaikhawm lova bike-a i len avangin i "sual" daih tawh.

Tin, Krismas lai chuan rilru fim tak pu rawh, bethlehem par leh tlangsam parte ngaihtuah la, ainawn parte pawh ngaihtuah la, mahse "Rangvamual" tih thumal hi ngaihtuah miah suh!!

Bethlehemah i tan hmun a awm, mahse Zormah hian i tan hmun a la awm hrih lo a ang, I hlimpui ve tur Krismas lawmna hi he ramah hian an la siam lo, i piang hma hret ani.

Krismas hi huphurh lutuk duh suh, an zai tlut tlut ang a, a zo ve mai ang.

Chhiartute Krismas leh Kumthar hlim taka hman turin duhsakna sangber ka hlan a che u.