Van Lal naupiang lawm turin mitinte kan in buaitsaih leh ta mup mup mai, hen hun hi a ngahhlehawm a, mahse a lo thlen meuh chuan tum ang he hu a ni lo fo thin!! December thla hi camping thla, pianthar thla, sual tih thla..tiin an sawi fiam fo thin, chu thil atanga kan peng bo theih nan Kohhran pawn nasa takin hma a la, mahse vawin thleng a kan hman dan te han en hian Krismas hi hlimhlawp kutah kan chantir ta ni in a lang. He hun hi sualtih thla(zu in ngai lo te pawn zu in hun remchangah an ngai thin) a nih vang in, fimkhur a tul zia I sawi daih teh ang.
Mizo nula thianghlim leh fel ang a lan I duh chuan, December thla tir atang hian fimkhur ang che, “Ar” lam hawi thil a nih hrim hrim chuan, artui thlengin, a melh pawh melh suh.
Tin, CD phek pawh hi khawh suh, MP3 tihte hi ngaihtuah reng reng suh, I party dawn emaw an ti palh ang.
Tin, Kohhran ngaih a nula fel ang a lan I duh tak tak anih chuan, krismas tukah zung suh!! Tichuan, zun chhuak tak chungin I inkhawm ang a, inkhawmna-ah I muthlu miah lovang! Urlawk zanah I tlaivar a, I mut a chuak em em tih kan hria. I sir a mi te an mutthluk lai in nang chu I meng kar ang a, kohhran upaten upa tlar atangin an lo thlir ang che`nga, “he nula hi chu a va han fel take m! Nula dang an mutthluk lai pawhin….! A pasal tur tlangval fel kan zawnsak a ngai a ni,” tiin an ngaihtuah dawn a ni. Tichuan, inkhawm banah I zung huau huau ang a, a nuam viau ang.
Krismas ah chuan, a nawlpui inkhawm huk hun a lo thleng ang a, chutah chuan, I neih tha ber ha la, inpenparh thei ang berin inkhawm ngei ngei ang che, I thinlungah Bethlehem in hmun chang loh mahse, I inkhawm hrim hrim kha virginity test ani. Krismas I hmang nuam ani mai.
Krismas hi huphurh lutuk duh suh, an zai tlut tlut ang a, a zo ve mai ang. Krismas hmang nuam le.
9 comments:
Ziak tha hle a, mahse i ziah rawn oppose tur ho hi ka rilru ah an rawn lang zawk nghal :-)
Nulate ho hi thuchah ka pe fo a, tlangval ho kan pek ve ngailoh nachhan hi, thupek an zawm dawn chuanglo a kan hriat vang nge tlangval chu an tih ve dan hrim hrim a nih avangin thuchah kan pe lo zawk? Hetah hian enge i ngaihdan ve?
Nulate ho hi thuchah kan pe fo a... tih zawk tur. Ka nilovin.
:-D
Tlangvalte hnena thurawn -
I thurawn tha tak zawmtu Nula Fel tak kha zui char char la, tlangval fel i ni ve nghal a ni mai, tin, nupui fel i nei thei mai thei asin....
@illusionaire: Tlangval ho hi..nia thurawn pek ve chu an ngai ani...!!
@Varte: ka thurawn zawmtu tur pawh ka la hmuh zawh ve loh hi..:)
Iau a va pui thuai thuai ve le
Haha! tha hle mai.***
@illusionaire: tlangvalte chuan an zawm dawn chuang lova, engahmah an ngai dawn lo bawk a. Nulate chuan zawm lo mahse an la thutak a, an nuihpui loh pawhin an thinrimpui a, chu chu mipate tan chuan a nuam ve tlat niin ka hria.
Ziak tha e. Lan mawi hi a pawimawh bera, tuinnge rilru chhungte chu en ngai? I sawi hmaih chu 'Thil sual engpawh i tih duh chu a ruk te in ti la, tuma'n an hriat loh chuan a pawi miah lo' tih. Tlangval tan poh hei tho hi ani don lo'm ni?
lolzzz... ziak tha hle mai a. Nula tan chuan notes lo lak keuh2 chi nih hi :)
@amuan: chutia mi..!!
@zaia:nia, nulate hi thurawn pek an nuam zawk in a lang tlats Tv te ai chuan.
@mesjay: i tho fuh tops!!! thilsual tumah hriat loh a tih hi...a tha! tih thupui zawmtu kan tam zawk tlat ni in a lang..!
@daydreambeliver: note lak thlak tur a awm a mi? lak tlak a awm a nih chuan..in thenawm nula...kha lo hlui ve mawlh teh!
Post a Comment