Friday, March 4, 2011

Lawmman atan Sial maw?


Red Ribbon football tournament 2011 lawmman atan Sial an hmang leh dawn maw? Tournament hmasa  pawh khan Sial hi lawmman atan hman alo ni tawh a, hmanni lawk pawh khan Nungcha humhalhtu pawl ASEP (Association For Environmental Preservation) te chuan lawmman atan a Sial hman an duh loh thu an tarlang tawh bawk . He tournament thiltum ni a lang chu HIV lak atan Mizo thalaite nun chhanhim hi a ni awm e,  Mihring nunna chhhan him kan tum, mahse kan ramah ramsa vang tawh tak Sial nunna hian a tuar ve kher a tul em? Mithenkhatte chuan lawmman atan Sial hman te chu a ropui ve alawm ,tun hma atanga kan chin dan a lo ni tawh bawk nen kan ti mai thei, mahse Khawvel in  Ramsa humhalh beihpui a thlak mek lai a, kei ni`n lawmman atan Sial kan lo hmang ve ringawt hi chu inngaihtuah chian a ngai lo maw?. 


Kan thenawm lawk ah awm Bodo mipuite chuan Manas National Park(Assam) khu an hnam tan a tangkai ani tih hria in Park chhungah nungcha, thing leh mau awmte chu an humhalh  sa kah, sava veh leh thing kih te chu khap tlat a ni, ti chuan Community based eco-tourism kaltlang in Manas National Park chu Bodo thalaite tan eizawnna a lo ni ta a ni. Kan ramngaw nungcha te hi humhalh tha ta ila, tourist hipna hmarua tha tak ani thei dawn asin, tichuan Eco-tourism kaltlang in kan ramngaw, nungchate hi sumhnar an lo ni dawn ani.  Nungcha humhalhna kawng ah hian Mizote hian tan i la zel ang u.
Hmanni pa pakhat ti ti chuan ti hian asawi a, kei ni chu kan thenawm pa zarah Ramsa kan ei reng mai a ti a, chutah ani pek chuan Bible behchhan meuh in Pathian pawh in ramsa kan ei hi a phal a lawm a ti a, ka rilru te te chuan tiang hian ani maw Kristian te hian ramsa te chungah rilru kan lo put ni .  Ni e, Sa chu kan ei tur ani, mahse a tawktarh zawng leh lawmman atan Sial hman kher hi nungcha te chungah kan nungrawng zia lantirtu a ni. Nikum khan kan department in Wildlife week kan hman tum in thusawitu pakhat chuan India hmarchhak ah chuan Ramsa ke pali nei tawh phawt chu an ei zel, ram hnuai ai in an pumah dah that an duh zawk a ti! Chutiang chu ani India Hmarchhak mite hi kan Indian pui ten min hmelhriat dan . 

Red Ribbon tournament a Champion team te chuan Pawisa fai Rs 1 lakh lai an dawng bawk dawn ani awm a, chuti anih chuan Sial hmang kher lo hian Pawisa fai hi duh tawk mai se, Sial in Red ribbon vanga a nunna a lo chan ve ngawt thu awm suh. Champion team te pawh in lawmman atan Sial hi hnawl ngam se, mihringte ang in an duhthu sawi ve thei lo mahse duattu hmel chu an hai bik si lo.  Hawh u ka  thalaitepui te u, ramsa te chungah kan rilru put hmang hi thlak danglam ila, ngilneihna thinlung hmang in ramsa humhalhtu nih theuh i tum ang u.

5 comments:

caribou said...

Hei, i sawmna tel lovin ka rawn lut ve ngawt a nia. I ngaihdan hi ka ngaihdan diktak a ni. An inchuh mek sial hian a thih hun a nghak mek tih a hre lo. A thihni chu inkhelh chak lawm nana khawtlangin lawmna hun an siam ni tur a ni mai. Sial inchuh leh bawngchal inchuh tournament tih ang reng vel hi chu thai bo hmak chi tawh maw le. Kan ngaihsan ngawih ngawih Sap ho pawh hian an ching duh hleinem. Cup leh Shield mawi tak an inchuh mai alawm.

I thuziak hi a tha khawp mai, chanchinbu lamah chhuah turin thurawn ka lo pe ve ngawt teh ang che. Ka lawm e.

Awzzman said...

@caribou: ka lawm lutuk i rawn leng lut a!!

ni e, hei a tam zawk te lah chuan..a ho em mai an ti bawk si a!! mahse, media lam atang tal in tan kan han khawh ve ani e.

ASEP pawh hian hei ai nasa hian campaign nei thei se, a duhawm hle!! Tan kan la zel ang....

Vanglaini ah chuan min chhuah sak tur in ka thawn ve tawh kha maw!!

duhawma said...

Nie, sial hman kher hi thil tullo tak a ni. An duhleh a pawisa faiin lawmman siambel sela. Tin, a hrim2 in a huau huau nghal tlat. Sial chu ruaithehna tur a ni mai a, ruaitheh kha a lang nghal a, huau huau ringawt hian changkanna min thlen lovang. Chuai chuan khawtlang hmasawnna tur thildang heng sum leh pai atang hian siam a thazawk ka ring.

Anonymous said...

He article hi thu ropui a tling e. Lawmman atan chuan mihringin a siamchawp engpawh, nunna nei lo, thil hlu hi a ropui. Siamtu Pathianin nunna neia a siam ve tho hman hi chu a dik thei mawlh lo a ni. Chu chu lei lam danah ni lovin chung lam dan atanga thlirin a thuk hle-in ka hria.

luliana said...

Kan veng (Durtlang) in final an lut a, sial sa ei tum a ha ka lo tah hriam mek laiin i blog ka chhiar a, ka inthlahrung leh deuh :)