Zothlifim -- The Green Terrorist: Kawnpui khua(CCPUR)Diamond Jubilee

January 7 leh 8,2010 khan Kawnpui khua(Churachandpur) chuan kum 60[1947-2007(2010)] tlinna Diamond Jubilee ropui takin Kawnpui khua ah lawm a ni a. Kawnpui khaw chhuak Mizoram hmun hrang hrang ah awm ta te pawh City Bus pali(mi 150) khat in he mi hun hman pui tur hian an rawn kal a. Ni hnih awh programme siam ani a, a ni khatna Jan 7 hi chuan intihhlimna hun hman ani a, ni hnihna Jan 8 hian Khuallian Pu.Phungzathang Tonsing an rawn tawi awm in Diamond Jubilee lungphun hawn na a nei a, tlai ah Diamond Jubilee ruai ropui tak theh ani.

Kawnpui khua lo din tan dan:

Mautam kum 1910 vel lai khan tuna Kawnpui khuaah hian Pu. Kailiana leh a hote Rengkai khuaa awmte chu an lo khawsa tawh a. Mahse, hun rei awm lovin Run kam lamah an pem chhoh san a, tichuan, Kawnpui khua chu “Khaw ram’ Thingkangphai Lal ram ruak alo ni ta ani.

Kum 1944 tawp lamah chuan khaw hrang hrang atangin chhungkaw engemaw zat an rawn pem lut a, chutah pem lut hmasaber chu Pangzawl atangin Pu.Thanseia ani a, tichuan Thingkangphai,Thanseia Veng tih ani a. Kum rei lote chhungin chhungkaw 20 chuang an lo tling chho a, tichuan Thingkangphai Lal ram tangin 13^th September,1947 khan a hran a PATTA nei in, khaw thar a lo ni ta a. Lal atan Pu.Thanseia chu ni nghal in, a hming atan lamlian kawn hming chawiin KAWNPUI hming a pu ta ani. Tichuan khaw thar lawm nan ruai ropui takin ran ke pali nei talhin ni 19-20 October 1947 hian an theh ani.