Wednesday, July 29, 2009

Manipurah Mizo rawngbawltu hmasa te

Mizoram atanga South Manipur ah rawngbawltu hmasa pathum te chanchin tlangpui i lo tar lang dawn teh ang.

Rev. Thangchhingpuia, Rev. Savawma leh Vanzika te hi April 22, 1910 khan Mizoram chhuahsan in Manipur an rawn lut a. Mahse Tuivai lui a lo lian/len avangin Vaitin khuaah an in nghat a, tichuan Biakin an sa nghal bawk ani.

Tichuan May 7,1910 ah Senvon khua an lut a, chumi ni chu Missionary Day a lo ni ta ani. Manipur ah NEIG mission hnuiah Kohhran awm ho te chuan kum tin in May 7 hi Missionary Day atan an hmang.

An Rawngbawl dan tlangpui:
# Nitin Sikul ah kal in Chanchin tha mite hnenah an hril a.
# Thal a lo thlengin, khawhrang hrang tlawh in Pathian thu an hril a. Khatih hunlai khan Chanchin tha Johana ziak chauh hi Mizo tawnga Bible la lehlin awm chhun a ni.

1914 Presbytery rorel chuan kum 1 chhung in thla 6 tal Pathian thu hril in an zin chhuak tur a ni ti in thuchhuah an siam a. Tin, Meitei, Vaiphei, Thadou, Paite tawng an thiam ngei tur ani tih ani bawk.

1917 ah Senvawn khua ah harhna a rawn thleng a. Pathian hnathawh a takin a rawn lang chho zel a.

Rawngbawltu hmasa te chanchin tlangpui.

Rev.Thangchhingpuia(Taite):


-1908 khan kristian a ni a, Durtlang ah lehkha a zir a.
-April 22, 1910 ah Southern Manipur a rawn lut a. Tichuan Missionary leh Zirtirtu hna thawk kawpin Hmar leh Paite zingah rawng a bawl a.(1910-1930)
-1916 ah Lakungi nen an innei a, fa 9 an nei.
-1930 ah NEIG Mission in Pastor atan an nem nget.
-1949 ah Pensioned in Tuithapui ral Khawpuibung ah chhungkua in an khawsa a.
-Tuithaphai Presbytery tih hming hi a phuah ani. Vice-Chairman hmasaber ani bawk.
-Kum 73 ni in May 9,1949 khan a rawngbawl sak thin Lalpa hnenah chawl tur in Khawvel alo chhuahsan ta.

Savawma:
-1879 ah Chiahpui khua ah a piang a.
-1913 ah Nupui nei in fa 12 an nei a.
-May 7,1910 ah Senvon a lut a, tichuan Kawnzar ah a in sawn leh.
-Dibrugarh ah Componder hna thawk in a awm leh a.
-1930 ah Lakhimpur atangin Churchandpur ah insuan chho leh.

Vanzika:
-A ni hi an pathum zinga naupang ber ani a, Manipur ah hian kum 8 a awm hnu in Mizoram ah a kir leh a, "Kristian kantu" ti a hriat lar a ni.
-Saitual khua ah lo piang in.
-Oct 30,1918 ah Savawma farnu nen an innei a.
-Zarzoliana Govt.School, Saitual ah Headmaster hna a thawk a.
-April 9,1952 khan Saitual khua ah a rawngbawlsak thin Lalpa hnenah a chawl ta.

He chanchin hi May 7,2009 Missionary day Presbyterian Kohhran,Thingkangphai ah "Rawngbawltu hmasate pathum" chanchin chhiar chhuah atanga lak chhuah ani.

4 comments:

Puia said...

A ngaihnawm hle mai. Beng a tivar bawk e. Hetiang lam hi a theih chin chin rawn tizel teh khai..

Tharax said...

heng missionary te chanchin hi kimchang zawka chhiar a va chakawm ve... chhiar dan tur min lo sihhmuh te a... an ngaihsan awm hle mai. i ti tha e.

Awzzman said...

@tharax: nia,kimchang zawka chhiar chak awm khawpmai...tunah ka ron thai lang hi chu..missionary day ah an chhiar chhuah atanga ka rawn lak chhuah ania..! Tuithaphai pres khian a bu in chhuah thei se..duhawm hle.

Anonymous said...

Very informative