Hmanni lawk khan, Manipur Sawrkar chuan zirna in huam chhungah party office awm te chu thiah sak vek turin thu chhuah a siam a, chumi den chhan chuan All Manipur Students Union(AMSU)[AMSU head office hi D.M College campus chhungah a awm a]te chuan Lamphel Officers quarter ah Biakin 11 awm te chu thiahsak ve tur in Chief Minister hnenah lehkha an thawn a. Kar kal ta mai khan Chief Minister chuan Lamphel ah Biakin 11 awm te chu thiah sak(evicted) tur in thu a chhuah ve ta bawk. Tun ah hian he mi chung thu hi All Manipur Christian Organization(AMCO) ten an buaipui mek.
Manipurah hian (meitei zingah) Mizoram Synod leh Tuithaphai Presbytery te chuan rawngbawl hna hman a tang tawh khan an lo tan tawh a.(a Kum chu ka sawi thei mai bik lo) Mahse,eng nga ti nge kan rawngbawl na hi duh ang in a kal chak theih loh?(ka tha hnem ngaih luat vang pawh ni mai thei), Kum 15(1990-2005)chhung meitei leh kabui-rongmei ho zingah kan chhungkua in rawngbawlin kan awm ve, heng mite ho hi Manipur ah chuan hnam hnufual Zu chhum/thlawr vek an ni hlawm, chumi a nih vangin Ka Pa thawhpui te ho Zu avanga Buaina tawk an awm nawk mai. Thlarau bo man chu khawi lamah! Ni pui deuh ni in Pastor ten min rawn tlawh ve thin, inkhawm kan han bang a, ringthar te chibai liam liam phah in Beram Pu berin meizial an pak khu vut vut mai thin kha chu, ramthim zauhna chance chu a tam vak loh khawp mai. KTP tlawmngai pawl ten camp work nei in quarter te sa in an rawn kal ve thin, kan lawm viau lai in, kha mission field ah Tirhkoh awm te tan zahna na men lo an rawn hnutchhiah ta thin si.
Ringthar tam zawk te hi thalai an nih avang hian In lamah KTP Khawmpui awm chang te hian kan hruai ve thin, mahse an ni tan chuan mak tih tur alo tam ta lutuk thin. "O za,noi Mizo khoi di Christian oi ra su Chu rup yam thak e ne" tih chu an zawhna tam ber ani fo!Track sem a kan vah chhuah chang te hian, nang ni tribal ho hi chirstian in in tia, nangmah ni leh nangmah ni in in do a,zu leh sa in tlan ain hnen ah hian zirtur kan hmu lo! ti a min chhuah chhal chang a awm fo.
Aw le, kan ngaihtuah ho tur a ka duh chu, Pathian ringtu ti a kan in chhal ngam tak tak anih chuan, a thu hi pawm in i zawm tawh ang u! Tichuan, kan rawngbawl na pawh hma sawn zawk ngei ang. Tunah hian, ringlo mite hian Kohhran hi NGO tha mi ang lek ah an ngai tawh ni in ka hre thin. Kan rawngbawl dan te pawh hi zirchian fo tha in ka hria. Ka tawng huatthu ni lo se, Evangelist pakhat an lak tum pawh khan, ti hian an zawt a- ram thim ah hian engvanga rawngbawl duh nge i nih?- ka tui em a, ti in a chhang anti. Mahse alo tui reng theih bik loh a niang nge, tunah chuan ruihhlo bawia tang in, nun khawhar tak in hun a hmang mek ani.
Tin, Kohhran hruaitu or ramthim board te hnen ah ka thu sawi duh chu, mission field kan hawng dawn anih chuan, kan en hmasak tur chu:-
1:kohhran dangin mission field an lo nei tawh em? Hmun pakhatah kohhran 3 ten a mision field an neih na te pawh a awm, Kohhran tam lutuk chuan ringtharte hian tute Pathian ber hi nge biak tur tih hre lo in kan hawi hai tir mai ang tih a hlauhawm. A tan chuan engkim hi a la thar vek si.
2: Mission field kan hawng a nih chuan Biakin kan sa nghal tur ani.(Tuithaphai ramthim board ka huat em em na chu Biakin sak an hreh lutuk hi), Envagelist te chu min in luah hawh pawn khawsa se a poi lo,mahse ringtharte in pawl khawm na tur Biakin neih phawt angai.
3: Biakin kan sak chuan, ringtharte pawn,e an ni hi chu awm ngheh an tum tak tak anih hi tih rilru kan put tir thei,Biakin pawh kan nei si lo, tin Evangelist te hi chu kum 5 vel in awm a nga, min ho san leh mai dawn sia, nakin ah mi nuihzat bur kan ni leh mai mai ang! ti in an hlauhthawng thu te an sawi ve thin.
A hring hran in ramthimah aw lo mah ila,Kohhran mi leh sa kan nihna vangin mitin te hian rawngbawl na ah kan tel ve vek ani tih i hre thar leh ang u."..in thianghlim tur ani, kei ka thianghlim si a"
Kan hriat ve mai mai tan: Imphal Khawpui chungah hian Christian Biakin 189 a awm a,Zohnahthlak te zingah, Hmar Kohhran-17, Gangte Kohhran-5, Vaiphei Kohhran-10, Thadou-Kuki-18. Imphal hi khawpui lian pawh ani lo Kohhran 189 te chuan chanchintha chu hrilh hreh hneh awm tak chu nia. Eng Pathian hi nge kan biak tak le aw.....?
No comments:
Post a Comment