Monday, January 26, 2009

Chiengkawnpang YMA Conference kha

Krismas leh Kumthar lawmna hunpui a zo va, khatih hunlai a huau-huau awm hmasa leh ber chu Group Y.M.A conference february thla tir a awm thin kha ani. Rawlthar hawklak lai kan ni bawk a, khatih hunlai kha chuan nuam kan ti thei hle, ka hriat ve phak chinah Y.M.A conference ka la hman namm ber tum chu Chiengkawnpang ah a awm tum kha(2002 ni ta in ka hria), Chiengkawnpang in a vawikhat thlen na a ni bawk a, an in buaitsaihna a tha bawka....nuam tak ani!!!

Khami tum khan kan veng(Thingkangphai) kha Y.M.A sports a overall champion kan ni. Shaktiman(truck) pali ah inbeng muk in kan in tawlh phei thin a nih kha, lawmman sem zan phei kha chuan rithei chi tin reng nen, branch bengchheng ber kan ni nghe nghe...stage a tangin min rawn la hau zui :-), Tommy L. Pachuau leh Mizoram atangin Branch Zaipawl an rawn kal bawk, Tommy`n "Nangnen(Saizahawla)" a sak tum a, ka zaipui ve nasat zia te kha!!! ka va ngai reuh tak em!! chutah Jessie(RIP) of Drixian Empire in Bass guitar nen ngat a rawn "D cham bawihpui" ve bawk. Inthlah zan a U naupa Zoah!!(Frankenstien) nen a "damtakin kan in tawh leh hma zawng" inngaihhruina hla sa chunga Khuangpui kal kual pui chunga kan sak vak vak lai te kha.

Hnam lam intihsiak na tur an zir lai en mai mai tur pawh khan zan khaw tairek thleng kan meng ve peih a, intihsiak na a chuan lam ve lo mahila, a sir ah kan lo su ve lauh lauh te kha, kan hnam lam tlem a zawng kan thiam ve phah a, a inchhir awm loh thin khawpmai, solakia, sarlam kai, chawnglai zawn, chai, khuallam tih te ho hi ka lam thiam ve phah.

Ti hian ka ngaihtuah mai mai thin a, Mizoram leilung ah piang in seilian lo mah ila, Manipur ah kan awm e maw, khawi ah pawh awm i la, tui tak in "ka pianna Zoram nuam" ti hla kan sa thei zel, Mizo nih hi a lo va nuam tak em!! Mizo te tan chuan Mizoram hi a lo va hlu tak em, te ka ti mai mai thin. Kan awm na ram chanchinte ai chuan Mizoram chanchin in ka beng a verh zawk tlat te hi, aw Zoram kan tan chuan i hlu ber e, tih loh rual ani lo.

Kumin pawh hian february thla tir hian Y.M.A conference chu dan pangngai ang in a awm leh ngei ang, mahse kan khawvel boruak khian a zir tak loh a vangin zan lam programme chu a awm tawh lo, chhun khaweng lai in hruaitu thlanna leh hnam lam entirna neih bak loh chu programme puithu deuh a awm tawh meuh lo. Rawlthar kan nih lai a thiante nen a hlimtaka ram leh hnam hla sa chunga hun kan hman lai te kha....ka lenrual lungduh te hian an dawnkir ve chang chuan an lung a leng ve ngei ang.....!!

7 comments:

vana said...

Chibai le. Thu fahrah te te han hnutchhiah ve ila. Khawnge MIZORAM? Zofate kan chenna hmun apiang hin, thinlung a MIZORAM Tak zawk a lo ni. Physical Boundary in a then lohna chu! Ka pianna zoram...ti a lungraual taka zai vawr hi a va han nuam em

Awzzman said...

@vana: Chibai le, nia Mizote awm na hmun a piang hi Mizoram chu a ni e!!

Jona said...
This comment has been removed by the author.
Jona said...

Khami tum kha ka thian kalte pawh khan nuam an ti khawp mai. Ka lo kal ve lo kha chu aw! kan ti vawng vawng mai asin...!

Jona said...

Khami tum kha ka thian kalte pawh khan nuam an ti khawp mai. Ka lo kal ve lo kha chu aw! kan ti vawng vawng mai asin...!

burgerstud2005 said...

YMA confrence hi a nuam thei hle a niii...keipoh ka kal ngai hauh lo na in,kum 2008 Feb thla khan Kawqlchaw ah Sub-YMA Lunglei Confrence a awm a.A nuam khop mai.Dam takin kan in tawh leh hma zawng tih hla kan sak lai te kha a lunglen thlak ka ti.

Chuan Group YMA Conf poh April ah an rawn nei a,a hla tawpna atan he hla hi ka thlang a.Ka ngai thei khop mai.YMA confe chu a light thei a.A nuam thei khop mai.

Awzzman said...

@jona: nuam tak ani...i rawn kal ve maw ka tia..i va chan ropui em em ve le.....tunah chuan chhun programme chiah awm tawh bawksia....hup hup na tur awm tawh si lo..lunglen thlak khawpmai.

@burgerstud: nia ti raw...damtakin kan in tawh leh hma zawng......ti chuangin hlim takin kan inthen ta hlawm a nih kha....