Monday, November 3, 2008

Meitei (Schedule Caste) ho zingah hian kan chhungkua in Kum 15 chhung zet rawngbawlin kan lo khawsa ve tawh a, chumi atanga Meitei ringtharte dinhmun ka hmuh leh hriatte kan han sawi dawn ani.

Meitei ringtharte zingah hian chhugkuaa Kristiana inpe chu an vang hle a, ringthar tam zawkte hi thalai leh naupang lam an ni deuh vek a, heng ringtharte hian Lal Isua hi Lal leh chhandamtu a an pawm hian harsatna chi hrang hrang an tawk nasa ve hle a, khawtlang atanga hnawh chhuahte, chhungkua atanga hnawh chhuahte thenkhatte chuan an tawk hial a ni, thenkhatte chu khawtlang thil tih ho na ah pawh an tel ve phalsak a ni lova, nang ni chu ‘Hau Lai(Tribal ho Pathian)’ be tute in ni ti in hmusit takin an tawng khum thin a ni, amaherawh chu heng harsatna karah pawh hian chhel tak leh rinawm takin vawiin thlengin Kross puin ramtiam lam panin chak lo takin an la kal ve beuh beuh a ni, an tan I tawngtai sak thin ang u.

Ringtharte zingah pawh hian Setana hian nasa takin tan khawh ve a, Metei ho Kut pui ‘yaosang(holi)’, ‘Lai haraoba(Pathian chawimawina Kut)’ hunlai te hian thenkhat rinna a lo hnufual te chuan an biak Pathian nung tlansan in an milem Pathian hmaah an thingthi leh ta thin a ni. Thalai tha zalai tak an nih hlawm avang hian an tan chuan a harsa ve thin a niang nge!!

Metei ho hian an mahni pualin sakhua(Sana mahi) nei mahse Hindu sakhua hi an be nasa zawk a, chuvangin Vai chalak rilru, rinawmna hi an tlachham em em a, sum leh pai an ngai na em em a, an ni chuan hmingthat ai in sum an thlang zawk a ni, ringtharte zingah ngei pawh harsatna a awm ve fo a ni, nihna inchuh, Kohhran sum eiru…tih vel te ani nawk, tin an ni ho hi kristiana an in pek chuan eng nge maw dawng turin an in ngai tlat a, track sem a kan chhuah changte hian zawhna tam ber kan dawng chu kristian kan nih chuan hna min pe thei ang em? tih hi ani. Kristianna hi sumdawnna chikhatah an ngai deuh ni in a lang, amaherawh chu hengte zingah pawh hian ringtu tha tak rinawm tak takte an awm ve nuk tho, Pathian in meitei zingah rawngbawlna hi malsawm zel rawhse.

Meitei khawtlang nun in rawn chhunzawm ang....next issue ah.


6 comments:

luliana said...

Meitei ho mizia, ka kawm tawh chin a ka hriat leh i sawi hi a in mil khawp mai..

Tan la zel turin duhsakna ka hlan a che u

azassk said...

meitei roomate ka nei ve thin a, a fel khawp mai, keinin tlawmngaihna kan tih te pawh hi an nei ve thovin ka hria.

Puibawiha said...

Meitei chauhah lo pawh kawl ho karah te heng philippines ho karah te Kristian te rawngbawlnaah hian hmangaihna lantira thilpek leh sem hi kan nei thin a, chutiang chu an beisei deuh zel mai niin a lang.
Mahse i sawi ang hian heng karah pawh rinnaa kal fuh takte an awm ve zel tho hi a lawmawm tak tak a ni.
In rawngbawlna Lalpan malsawm zel che u rawh se.

Awzzman said...

@luliana: Tlinglo tak te rongbolna Pathian in mal a sawm zel e, ka lawm e.

@azassk: nia an fel ve hlom khawpmai, an hoihhom bok.

@puibawiha: Beidawn rum rum chang te awm ve bawk mahse...Min ti chaktu ah chuan engkim kan ti thei a ni.

amuana said...

A bengvarthlak hle mai. Meitei tlangval pakhat kristian a in pek avanga a chhungten an tuithlar,Mizoram a Pathian thu zir tura rawn chhuak, a zir zawh hma a, mizo nupui a neita hmelhriat hnaivai deuh ka nei a, fel hle mahse, an mizia i swi ang khi a zia a la ber deuh tlat awm a a awm tlat nia.

Meitei ho hi keini mizote ai a an hnam a upat vang emaw ni puitling zawkna hi an ngahin ka hre deuh.

I Blog ah ka rawn zin lut ve e :)

Awzzman said...

@amuana: ka lawm e, i rawn zin a.