Friday, April 4, 2008

Manipoor

Hman ata tawh dam reng rawhse ti a, kan lo thlan tlin minister MLA ho lah hian an naute mangan authawm hi an hre lo der tlat mai si a, hei kum 7 zen zawn chu O.Ibobi sawrkar na hnuaiah kan awm hnu pawhin hmasawnna kawl eng hmuh tur he ramah hi chuan avang khawpmai!! Maharaja Gambhir Singh-a te hunlai kha chuan sanaleibak a ni thin kha nia, tunah erawh chuan sanaleibak hming pu tlak pawh a ni tawh lo.

He ka dingna tlang atang hi chuan han chhuantur thlawt ka hre lo, Dzuko Valley lah chu Nagaland sawrkar in kan ram chhungah awm ani a ti tlat bawk si a. Kan hawi hil der anih hi. Kawrawpsawn erawh chuan hma a sawn chak khawpmai. Hman atang tawh khan Manipur ramah hian thil mak tam tak alo thleng tawh thin a, tun hnai mai a thil mak ka sawi ning theih loh chu.....hman ni mai khan Hyderabad hmun ah ka lehkha zir pui Chalrang pa(meitei pa) chuanin ASI post(asst.sub inspector) lakh 4 in zu han lei a, ngam huai ka ti khawpmai, hlawh pending reng chung pawh a sawrkar hna thawk duh an la awm te hi malsawmna chu ani ve ngei ang le, tin nikum MCS(manipur) main a tling ho pawh kha lakh 5 an dil e an tih chu!!! mak thin mang nge. Mak ve deuh chu ani a sin.....

Unau thenkhatte ho lah hi hmeh puah China lam siam ni awm tak paipawm chung hian Demand letter semna tur list la in an buai ve em em ringawt mai a, eng nge an sual ber tih pawh hriat theih loh khawp in mahni tawkah an buai a ni!! chutah phur chang changly an tih ang deuhin mipui ho lah hian AFSPA hlih ngiat in khawlai hmun remchang deuh ah Dharna(sit in protest) an lo huaihawt ve bawk a, chu mi belhchhah nan Nu ho pawl(meira paibi) ho in zan ah meichhei chhi in khawilai an fang ve bawka, an hman ve hlawm khawpmai!!! an taima hlawm asin aw...!!! An ram neih chhun lah hi a neitu te hian an Hmangaih thlawt lo, an state ro hlu central library te an hal chhe ringawt mai a. Tun dinhmunah alang dan chuan Manipur pawh ni lovin Manipoor ani zawk!!!Huiha duhtawk phawt mai teh ang, mahni mawng hlim pawh kan ang e. Zofa unau duh tak te u kan thenawmte ang hi chuan kan ZORAM nuam hi i sawisa ve lo ang u!!!

4 comments:

apatea said...

Social Evil hi a tam a, tunah chuan arms leh surgency lakah fihlim hrih mah ila nakin dinhmun sawi theih a nilo.

Ka film en thar pakhat ah ti ang deuh hian thu an sawi a, "I dare you to look into a baby's eyes which the mother has no food to feed with, and dare you to think about his father's work ethics!!!" Dik khop mai!!!

Zoram lungphang suh o

Zotea said...

Sanaleibak=Eldorado.
Pu Zorama leh a pawlte hian an kopi deuhin ka hria Manipur sorkarna hi...lol. Kan zoram chuan a daih rei lo viau ang tianga Manipur hnung a zui ve chuan.

Awzzman said...

@apatea: bang chi dan ale? ti in kan la hawi hil dawn a nih hmel e...

@zoah: an lo copy tawh anih paw`n delete leh rawhse!!

Puia said...

Manipur hi Mizoram buai hma te kha chuan ram zalen leh thlamuang tak mai a ni thin a. Pu Thenphunga chuan Sipai pawhin awm nana kan duh ber pakhat a ni thin.. a lo ti hial a. Chutianga thlamuang leh misual awm mang lohna chu a han buai a, hei a la fuh hlei theilo rih zel a nih hmel hle. Kan MIzo unaute an khawngaihthlak thin lehzualin ka hria. Mahse, zangkhua hi a la bungbu ang, an lo tih ang deuhin eng tikah emaw chuan zalenna tluantling a la inherchhuak leh ngeiin ka beisei tlat.