Thursday, January 24, 2008

Ruihhlo zunzam

Ti hian ka ngaihtuah ve mai mai thin a,engnga ti nge tunlai thalai tamtak te hi a that loh zia hre reng chung si hian ruihhlo bawiha an la tang le aw ka ti thin.Ni e,ruihhlo zunzam hi chu a chak thlawt a niang le,an tal chhuak thei mang lo hlawm anih hi.Ruihhlo in min bual a tawh,kan chhia leh tha hriatna pawh kan hmang thiam ta lo.Ruih tur zawngin mit kan len ruai,Pathian khawngaihna leh lainatna erawh chu kan ruihpui duh hauh si lo,mihrang sahrang hma a zam ngailo kha tunah chuan ruihhlo hma a kan zam chhe lai let der ta!Kan Mizo nula te hian Mama pa tur hi khawiah nge maw a awm le?tia bengsika an ngaihtuah hun a la thleng ngei ang.

"keizawng ka thlang Mizo val ngei,
Rilru hmunkhat duh thuhmun si;
Mihrang sahrang hmaa zamlo,
Chhuihthangvala lo zam suh aw,"


Daduhi kaltlanga Pu C.Durthanga`n min auh Mizo tlangvalte hi eng nge kan dinhmun chiah ni le?kan Mizo nulate chuan Mizo tlangval,sa leh ral hmaa tlanchhe ngailo thinte ngei mai hi'Mama PA'atan an thlang a,"tlangval,zam lul suh aw,nang chuah hi ka thlang ber che ania"titute tan hian Mizo tlangvalte hi kan tling tawk em?nge an hrilh tihai thlawntu mai kan lo ni zawk?in enfiah a ngai ta hle mai.

Lu um a kehchhiat hlau niawmtakin tnekhatte chuan lu an fun bawk ang ferfura,football pet ngam mang si lo hian burchhia an han pet leng ang darh darh a,chutah thenkhatten kawngsirah pawnchhe hnangkhai an lo fawp vawng vawnga,chhungte hriat hlau deuhin rim awm vak lo whitener an lo bei ve bawka.Thenkhatte lah hi choke ni rui an sawi ang mai an meng sen ang rem rum a,a neinung deuh fate lahin tihtur leh kalna lam tur ber pawh hre hawt silovin thenawmte thingzai khawl a tlan chhuak ta emaw tih tur khawpa ringin an tlan puak ang pawp pawp a.

Chhungte thawh chhuahsa kan in ruk chhuak tam siaka,"hmelma ruihhlo"tan ui nei miah lovin kan la vawm liam leh ta thin a,hmalai kan pi pute hunlai nena khaikhin chuan kan rawlthar te hi thingserh sah chu sawi loh,thingserh banphawitu,khawtlang hmelma ngeite lam tang kan ni zawk lo maw?Mihrang sahrang,ruihhlo hmaa zam ngai tawh lo turin Mizo thalaite i harh thar leh ang u.Chuti lo zawng kan Zohnahthlak lanu vun leh pian nalh tak tak si leh hmela pawh hnamdangte tluklohna awm bik silote hian senior zawk tawh lamah"MAMA PA TUR HI KHAWIAH NGE MAW A AWM LE?an ti palh hlauh dah ang nge.

5 comments:

Puia said...

Ekhai, hei zet chu a laimu a tling e. Mizo nulaten hnam dang tawna khiang min han awih san mai thin hi chu, rilru a na ve duh khawp mai. Khuareiah an la inchhiar mahna. Hringnun damchhung tawi te hi rilru thuhmun tak Zolanu leh val ngei nena han hman chul dun chu thil tlanawm ber a ni. Kudos to you.

Awzzman said...

@puia:nia ti raw,,,damchhung tawite hi zolanu nena hman chul dun chu ka duhaisam ani...!

azassk said...

ozz i post tha thei hle mai.
Mizo val te hian kan thil tih thintam tak hi 2nd thought nen ti thinila chuan kan chin thin tham tak hi chu kan ti duh mang pawn ka ring lo.

Kei zawng runlum pui atan chuan "mama nu ka hnungzang thka hi hanhiat teh" tih pawh a hrilhfiah buai ngai miah lova a thak na awm lai vel hrethiam em em a hiat thei tur chauh lo chu....

Zoah said...

Awzz dik khawp mai...ruih hlo hi chu ruihloh a harsa aniang..kan rui sup sup mai alawm le....

Awzzman said...

@azassk;nia 2nd thought hi uar deuh i la ka ti...!mama nu tur a tan chuan hrlhfiah buai ngai lo..kan zawng ang chu ti raw?

@zoah:ruih ve loh mai tur