Saturday, December 1, 2007

An lungleng ve ngei ang



Lenrualte nen a hmatiang dawn lek lova hun hlimawm tak kan hman ho lai te kha,hman ni lawk emaw tih lai in,kum tam a lo vei ve ta rengmai.Khatih hunlai kha chuan hmanlam hun ngaihtuah vak ngai hek lo,chhungte thla zarna hnuaiah thlamuang takin kan awm thin a nih kha.Thla ar kai den zan kan lawm theih zia te kha aw......!Zaitin vawrin zan kan tum tawi thin a nih kha.Tunah erawh hnathawhna avangte,zirna avangte in mual hrang hrangah in thendarh a lo tul ta si,thenkhatte lahin fanau maltluan chawiin chhungkaw din zai an lo rel ve ta,Krismas ar kan kan pui thin thenkhatte lah tunah chuan pawmlai nei an lo ni ta hlawm si nen.........tleirawl chhuah lai a duh duha kan lo fiam kual thin te kha tunah chuan Mi-nu......!deh loh sakei huai an sawi ang in fiam ngam an ni ta meuh si lo,Suangtuahna Khawvel ah lo chuan khang hun hlimawm kha kan tawng leh tawh dawn si lo,"ka hming an hriat chhuah changin,kan nundan thin an dawn kir ve ang nga,an lung a leng ve ngei ang".He kan khawvel damlai nite hi tluang taka kan hmang chho ve te a nih chuan ka lenrual hlui te nen hun hlimawm hman hun ni te chu a rawn in her chhuak ve ngei ang chu maw.Chutih hunah chuan thenkhatte chu Chhangchhe Pa te,Chhangchhe Nu te kan lo ni tawh ang nga,nunhlui an chhui kir ve chang chuan an lung a leng ve thin ngei ang le.He hla hi ka in awihna hla ni teh se.
1.Awmkhua har changin ka dawn vel thin a.
Leihring nun par ang vul lai nite
Mual min liam san thin,kan hlim niten
Hmanlai an chang zo,nghilh a har ngei.

2.Han hawi vel hian in tlangtin damdiai.
thal romei zingriai len kawl eng leh,
Chhemdamthlifim leh thinghnah nemten.
Nungcha hram thiam ten minngaih tir thin.

*Lenrual duhte nen hlim te in,
Zaitin kan vawr lai kha.
Ka ngai thin e,thiante kha kan lenna a dang zo ta si
ka hming an hriat chhuah
changin
kan nun dan thin an dawn kir ve ang nga,
An lung a leng ve ngei ang.

1 comment:

Zotea said...

Lung a va leng duh vele awzzie..
Ka lung an leng ang bawkin an lung a leng ve ngei awmsia..zothlifim ho kha....