Adieu Pondicherry

Kum 2 chhung teh meuh thiamna nei tur a zirna run kan kai na hmun Pondicherry University chu chhuahsan a ngai dawn ta. Pathian khawngaihna vang leh chhungte tanpuina zarah M.Sc (Environment and Sustainable Development) chu tha takin ka zo fel ta.

Pondy ah bul tan dan:

Maitri Mandir@Auroville

July 2009 khan hmelhriat leh thiantha pawh nei lem chuang lovin Pondicherry hmunah hian Hyderabd atangin ka chhuk thla a, ka vannei a siam in Mizo tlangval 3 batchmate tur an lo awm ve hlauh mai a, tichuan Mizo tlangval 4 te chuan awmhmun kan khuar ve ta. 2009-2012 batch Mizo zirlai te chu:-

1. Joel Dawnga Lungtau - M.Sc (Environment & Sustainable Development)
2. Johnson Minliana - M.A (History)
3. Ronald Ginlunthang - M.B.A (Dept of Management Studies)
4. H.Vanlallawta - M.Phil (Politics & International Studies)

JIPMER leh Pondicherry University campus hi a in hlat deuh a vang in, JIPMER Mizo zirlaite nen chuan kan in tlawh pawh em em lo.

Pondicherry Mizo Fellowship a ding ta:

PMF 1st Advance Christmas

2010 atang khan Jr batch Mizo nula 6 leh tlangval 2 kan neih belh a, tichuan PU (Pondicherry University) Mizo chhungkua ten mahni tawng ngei a Inkhawmna neih tha kan ti a, tichuan Campus pawm lamah Mizo awm ve dang te Lawspet ah Commercial Pilot zirlai 3 leh MCA zirlai 3 te nen Pondicherry Mizo Fellowship chu August 29th 2010 khan din alo ni ta. Pondicherry MIzo Fellowship dintu te zingah ka tel ve thei hi vannei ka in ti hle.

NESt: North East Students

NE students

North East zirlai pawh kumtin in an pung ve zel a, tunah hian NE states 8 atangin zirlai 90 chuang leh faculty 8 an awm a. NE zirlai bik te hian pawl 1 (inform group) NESt kan din a, 2009 atang khan NE freshers party buaitsaih thin a.

Kuki Worship Service :

KWS Pondy Chapter

Pondycherry ah hian Kuki zirlai 6 leh faculties 2 an awm a, an ni hmalakna zarah Pondy town lamah awm Kuki unau thenkhatte nen Kuki Worship Service chu 2010 Jan thla atang khan PU campus ah din a lo ni ta. Kuki tawng tlem lo tih ve theih deuh na zarah KWS leh PMF ah thawkpalai dinhmun ka chang :-).

Pondicherry University ka hmuh dan:

Valmiki Hostel -My Hostel

Dept. of Ecology & Environmental Sciences hnuaiah zir kan ni a, Univ dang te chu kan sawi thei lo a, PU hi rin ai daih in Dept. Politics a sang a, kan dept faculties te zingah pawh internal pilitics an khel nasa hle. Zirlaite HOD hek tur a fuih tu hotu te pawh an awm nual mai.

Infrastructure development lamah chuan PU hi la nau hle mahse, a thang duang em em a, tunah VC J.A.K. Tareen hian central lam atanga fund hmuh dan a thiam bawk a, Dept. building a thar tha thei hle, Cricket stadium pawh changtlung tak a awm. Hostel pawh a fai in, a thawveng hle. Tin, PU campus hi wi-fi 24X7 service campus a ni a, India Univ zingah chuan wi-fi service nei tha ber a ni hial awm e.

Pondicherry khawpui hi khawpui lian lo tak, Bay of bengal kam ah awm a ni a, hmanlai atan tawh French lalram hnuai ah awm anih vang in, French ho an tam em em a, tin, Aurobindo philosophy hi an ngaisang em em a, Aurobindo Ghose a hming chawi a veng hming, dawr hming sak a tam hle. Auroville International Township hi zinmite hip tu ber a ni a, he lai hmun ah chengte hi ramdang mi deuh vek an ni a, an khawsak a ho in an mawl mang hle- eco-friendly taka khawsa an ni tlangpui.

Ka awm chhung ah ka thian tha tak tak, ka hotute ni bawk :
1. Manglen  Singson
2. Dr. Paokholal Haokip
3. Dr. Toka Swu
4. Rejoyson Thangal
heng mite chungah hian ka lawm em em ani, an ngaihawm hlawm dawn khawpmai.

Classmate te ho nen - farewell party