Commercial Kristian

INNEIHNA PUAN SIN LO:

Inneihna hmunah inneihna lawmpuitute pawhin inneihna puan an sin vek thin a, inneih lawmpuitute zingah inneih puan sin ve lo in mi pakhat chu a lo tel ve reng mai a, mo neitu chuan a rawn hmu chhuaka, a bawite hnenah a kut leh ke phuar chunga pawn lam thima paih chhuak turin thu a pe a, chutah chuan tah leh ha thial a awm ang.

Tunlai Kristiante zingah pawh a hming mai a Kristian a invuah mahse Lal Isua Krista a inthuam maih lo hi tam tak kan awm ta. Kristian tamtak chu mahni felna leh thatna ringawt in an inthuam a, Krista felna a inthuam lote an ni a, inneihna puan sin lova mo lawmnaa tel tum vete ang an ni. Chung mite chan tur chu pawn lam khaw thim a paih chhuah a, chutah chuan tah leh ha thial a awm dawn si. Eng vanga tah leh ha thial hi tuar tur nge an nih. A chhan chu mo lawm na hmun nawm zia leh a hlim awmziate va tem ve uk si in, tel tum tla leh thei si lo te chu, pawn khawthim hmun hrehawm ber chu an chan tur a nih vangin tap lo theilo an ni. Kan hla sak thin “tling thelh a piang pawi tih a zual” tih ang in, hetiang mite hi an tling ve teuh hle mai. Kristian nun hlimna leh a nawmna va hmu phak ve si a taka chang zo si lo te chu, an chan tur chu inneih puan sin ve lo ten nen thu hmun a ni si.

Lal Isuan vana a lawn chhoh hma khan khawvelah a mite hruai turin a lo kal leh ngei dawn a ni tih chiang takin a sawi a, mahse a hming mai a Kristiana inchhal vete chuan Isua chu lo kal mai tur a an rin loh avangin, khawvel nawmsip bawlna lamah an in hmanga, an mahni chhandamtu Lalpa hna leh rawngbawlna chu ngaihsak miah lovin an mahni chak na angin an in hmang zo a, hun lo taka Lal Isua ko kal leh hun tur pawh nghak zo lovin mual an liam mek zel si.

Hmui leh ka mai a Isua ringtu a in chhal ve maite chan tur hi rapthlak tak mai a ni, chuvangin Lal Isuan “kawngka zimah chuan luh tum hram rawh u” ti in a lo sawi mawlh mawlh reng ani.

By:- Pastor. Lalropara
Hmar Christian Church
New Lambulane, Imphal.