The hindu 18/4/09(Corporal punishment kills Delhi schoolgirl ):“The teacher made her stand in a murga position for over two hours in the hot sun and even placed seven bricks on her back. When Shanno asked for water, the teacher kicked her. Her head hit a wall, she began to bleed from the nose.”
Khimi chanchin ka chhiar ruala ka ngaihtuah chhuah chu, school naupang kan nih lai kha. Roman Catholic school Don Bosco(CCpur) ah zir chhuak ka ni ve a, khatih hunlai a kan hotu tam zawk kha chu, non-local Kerala mi an ni deuh vek a. Khi vai hmeichhe naupang ang em khi chuan min hrem lo mahse, khatih hun lai a in hrem dan kha ava nep bik chuang lo em! Kan nu leh pa te kan hrilh ngam bawk si lo, han sawi dawn dek dek ila, home work i thiam loh vang a nih kha! min tih khum hmiah zel mai si a. Don Bosco(CCPUR) ah kai te chuan kan hre theuh awm e, Kerala pa hang thilthel pa tereuhte Sir Peter-a an tih phei kha chu, kan zak(hnuai) hi a sik pilh thin anih kha! Mawngtam a vuak, bak/bek sam pawh sak, bench chungah ban phar chunga din tir..!! Hruipuitiang in min han vaw ta thin anih kha, a va na duh tak em!! Khang kan hotute abikin kerala ho khan hetiang ang hremna hi an uar em em mai a, thenkhatte phei chu Sir Tiger-a te, Sister Vatawk-i te kan ti ta mai mai anih kha.
CCPUR ah school pakhat phei chuan, tum khat an principal hian Talab(Raja/jarda) ei naupang a man a, zarda tam tawk an duh loh chung chung a barh lui ta anih kha!! Hospital panpui a angai ta hial ani. Hetiang ang hremna hi zirtirtu te hian an fate chunga thleng ve tur in an duh a ngem? Hotu nih avanga naupang pawngpaw vuak hrep hi chu sim a hun tawh hle mai. Kei ka lo hmuh ve dan chuan, hetiang ang inhremna hi Vai(non-local) ho kan ram ah zirtirtu hna rawn thawkte hian min tih hmuh ni berin ka hria. Mizo zingah ngat phei chuan mi fate vuak/velh chu thianglo a ngaih ani si.
Hetia pawng a pui a, naupang kan hrem vak vak hian a tha lam ai in a chhe lamah nghawng a nei zawk ani, ka nau pawh hi pawl 3 a zirlai hian, an class captain hian a hek ziah a, tichuan ni tin mai hi vuak a tuar thin. School thuneitute pawh kan hrilh hial a ni. Khami nghawng chu school kai duh tawh loh ani!!
8 comments:
Hetiang ang hremna hi zirtirtu te hian an fate chunga thleng ve tur in an duh a ngem? he zawhna hi a tha khawp mai.
Keipawh min han hrem nasa thei khawp a, ka sual thei lah tak a :)
Sacred Heart School, Lungleiah ka luh laiin vawi 50 ka mawngah min vua a, chu aia na chu ka hre lo :P
keipoh vuak kha chu ka tuar ngun ve malh malh thin khawp mai...lu a rik deuh fawk chang lah a tam...mahse tun hnu a kan ngaihtuah let leh hian lu ber kher kha chu a lo tihchi lo khawp mai
Keipawh high school ka kal laiin school kawt ka thlo fai tawh..inhremna nuam lo tak a ni. Hnathawh ai mah khan ka zak lutuk kha hrehawm ber mai.
sikul kai laia hrem lohva chhuak hi chu an tam lovang.. mahni thiamloh kher lovah pawh, midang vang tala hrem kan tuar deuh vek ka ring. Engpawhnise, a pawimawh ber chu - zirna ina inhrem hi zirlaite hmakhua ngaih vang ni se, chuti ni lova, thinrim hrikthlak nan emaw, In lama an thinrimna sikul lama zirtirtuin a hrikthlakna emaw a nih chuan a zialo hle ang.
Fel vang phei zawng a ni hauh lovang. Mahse, hremna hi ka la tuar ve mang hauh lo. Class 3 ka nih laiin kan Sir pakhat kha Aipui leh Aite nei chi hi a nia. A nupui emaw an chhungkua emawa lungawilohna a neih khan a sikul naupangten kan tuar zauh zauh a, ho te teah min hlap zawt zawt kha a ching thut thin a, a hnuah Board Committee ten an ngaihtuah a, an ban zui nghal a. Kan vannei ta viau.
Ka hmuhdan chuan, chhia leh tha kan hriat hmaa hotute dik taka min hrem hi huat tur awmin ka hre lo va, kan naupan laia kawng tha zawk kan zawh theih nana, ka nun min vuak lai te khan, thinrim hle thin mah ila, tunhnuah hian ka lawmna a ni fo thin. Hremna a awm hian that duhna thinlung kan neih phah tlat si a ni.
Hei hi training naah pawh kan sawichhuak leh thin.nazawnga naupang hremloh ringawt leh hrem nazawng hi a that loh dan in ang viau.hrem phu leh hrem tlak hi chu an awm chiang,a hrem danah erawh an mizia mil hriat a tha fo.
A pawimawh, a va han pawimawh tak em.Hmanah kan naupan deuh lai chian scool ah warden in ka awm ve a, in hremna kha a na hei khop mai. Tun hnu a ka ngaituah let hian, naupan at deuh lai ni mahse incchir chang a tam mai. Eng le khawle hun leh tui bua a ruh theihlo an ti kha maw...hmalam hun atana in zirna zel a ni.
I was also in the same school u mentioned ..(its been 12yrs since then) but lookin back, i cudn't complain, infact its a good conversation starter when meeting an old classmate!1!
Post a Comment