Mami Varte: The album

Mami Varte lelte Best singer of the year award hlan anih thu misual.com (lelte.net)ah khan ka lo hmu fuh a, an kawmen pek ho kha a ropui/rapthlak thei khawpmai!!. Kawmen petu tam zawk kha chuan “phu loh malsawmna” a dawng ni in an ngai!!! Tin a zaithiam loh zia hlir kha an rawn sawi sek mai a, Mami hian Misual.com hi chhiar ve ta se….. a zak awm!!!

I`m alive tih hla a sak atang khan ka lo hmel hriat tan ve a, tichuan A na e tih hla hmangin Zoram dung leh vang a awi a, tunah chuan Damlai Par album hmangin Zoram Khawvel a deng chhuak ta!! Mami thawhrimna liau liau ni in ka ngai. He album ah hian Mizo lengzem hla 12 a awm a, a hla te hi Mami hian a thlang thiam hle in ka hria, a sak awm chi tak a ni hlawm vek….mahse hla pakhat “Phu loh thapar” tih kha chu a zia lo deuh in ka hria!!!

Damlai Par, Ka lung di, Senhriparmawi, Mangtha, Lung ka vai, Sihlungleng, Chhaithar di, Vawngdun zel ang, A rei lua e., Phu loh thapar, Lenrual hlui. Heng hla te ho hi a thluk leh a thu te hi a va in mil hlawm tak em, Mami hian a sak tur awm chi tak a hre khawpmai. I la ngai ve lo anih chuan han ngaithla ve chin teh, a aw in i lung a dum zo lo anih paw`n a hla tal hi chuan I thinlai ril chu a fan ngei ang!!!

Tin, Video album ho pawh hi a entlak khawpmai, best music video album of the year dawng tlak ani, editing, engkim a felfai kan music video te pawh a en tlak ve tawh khawpmai. Ka lungdi tih video phei kha chu acting kha a fuh tops!! Hi5, Mizopa kutchhuak ah chuan a iai awm loh ber pawl ani ngei ang.

Kan Khawvel hi inthenna Khawvel a nih miau avangin Hmangaih tak te nen pawh kan inthen a lo tul si thin, nunhlui ngai in ka kiu vawng vawng, Chu Suihlunglen thu chu Mami chuan mawi tak mai in ti hian a rawn sa a “Aw ka suihlunglen ka tuar ang a na chuang e, lungka chhir ngei e, bawihte nang vang hian sut leh tur hian ka mawi ve si lo rinawm kan tiam zawng kha, kumsul ang liam in khuarei chang se ka suihlunglen”

Mihring pangngai ni ve ta fam chu, kan zinkawngah hian chhai thar D tawih tak tak te an rawn inlar nawk, chu chhai thar D lo chu dawn lungrukah hian a awm thei mawlh lo, chhai thar D tawn in chhir awm loh zia chu hla thu hmangin a rawn puang leh pek a,

“ Ka Di puan ang chul tawh hnu kha, koh kir zai ka rel lo, lungka chhir lo

Tunah ka tawng di duhaisam zaleng zawng I khum zo ngei, Lung ka chhir lo.”

Tichuan chu chhai thar D nen chuan Damlai par chu hman chul dun an rel ta zawk a, “Kumtluan in lenna tlang hi dang tawh lo se, suihlung lam ang her tir lo la, mi tawnah damlai par chu I hmang chul dun ang, bawihte lungtin rual in biahthu di chu inhrilh dun in, tah lai bangin nang ka vuan tawh nang che.”

Chutia Damlai Par hman chul dun an rel mek lai chuan, thenna biahthu inhlan a lo tul leh si, chu thenna biahthu chu tawnmang mai chang se a ti, mahse a lungdi chu a luah zo bawk si lo, chhingmittui far chunga biahthu inhlan te kha lung ti vai tu mai ang chang zo ta si, “Tawnmang mawl mai an chang se, thenna biahthu di zawng , chhingmittui far chung zel a, kan in hlan kha, min hnem thiam reng ka tawng si lo, lung ka vai ruai e, suihlung a leng thin e, ka tuar an van pui lo chim, ka lungdi ka luah zo si lo.”

Mami te angin a ka Lung di ka luah zo si lo...an han ti hi chu....ka awi vak lem lo e!!!!!