Khawvela dang lam ta!!!!

Kum tam a vei ve ta reng mai, zirtawp zan khawvawt pawh sawi lova Aleef lela serial hmuhnawm ti em em a kan thlir thap laite kha, colour T.V chu sawi loh B/W a khan kan la lungawi tawk em em a nih kha, tunlai mithenkhatte angin nawrhna tur zawng ila chuan khawnawt in kan nawrh reng ka ring!!! mahse khatih hunlai kha chuan nawrh duhna thinlung khan kan rilru ah hmun a chang lo reng reng, Doordarshan ah khan kan lungawi tawk em em ani.

Nilai zanah Chitrahar Vai Nu leh Vai pa in lem zak zak en te kha, ava nuam dangdai tak em!!! khatih hunlai a kan misual hmingthang Danny, Anupam Kher, Amrish Puri etc te ho kha la sual reng tak ang maw? kan ngei thin ziate kha, an piangthar ve tawh em ang chu!! Mithun-a phei kha chuan hneh loh kha a nei lo reng reng , i`m a disco dancer a an lam tak tak phei kha chu turu ve tak chu a ni!!!

Chawlhni tuk dar 7;30 ah chhuak thin Raangoli, Chandrakanta, Tipu Sultan serial te khan lung ava ti leng reuh ve le!!! Inkhawm dar rik hma in khang serial en chak avang khan in kan chhuahsan vat thin kha ania, chutah chhungten thawhlawm atan duli(50 paise) min pek kha hmang hek in siki(25 paise) in serthlum chithlum kan han lei a, Lalpa chanpual atan siki kan thawh ve hram thin anih kha......!!

Tichuan khawvel a lo in her dang lam zel a, tun hma a Bollywood lo tuipui ve em em thinte khan tunah chuan a hming ringawt pawh hriat an duh tawh si lo, Vai film en chu khawi lamah, amak ani e lei hringnun hi.....Khawvela dang lam zo ta.