Thangtharte zingah Mizo tawng dik hlel deuha hmang kan tam ta hle,tlem a zawng ka rawn thai lang ve e.
rura:-Tha rura,thiam rura,hmangaih rura te kan ti ta mai mai a,a dik hmel hle lehnghal.
rura chu mihringah chuan ze duhawm lo leh nunrawnna lam sawina a ni a,hnaah chuan a harsatzia leh a khirhzia sawina lam a ni.
rapthlak:-A tha rapthlak,ka duh rapthlak tihte hi kan uar ta hle,Rapthlak tih hi thu uarna a ni lova.
Rapthlak chu thil duhawm lo lama hman,hlauhawm tawpkhawk leh mihring ze chhia sawina a ni thin.
hnehsawh:-MI thiltih kan ngaihsan zawng tak sawi nan kan hmang nasa hle.
Hnehsawh chu hmusit leh tham lo sawina a ni ber a,tha lamah hman a ni ngai lo.
zuai:-Tunlai hian zuai hi kan hmang nasa hla a,'ka thianpa hi kan tlawh zuai ang e'te kan ti thin.
Zuai chu eng lian leh nasa tal,hun rei lo te chhunga lo lang sawina a ni deuh ber a,mei alh nasa tak sawina pawh a ni.
mei mei:-mai mai tih na tura 'mei mei'ti an awm leh thin,ka en mei mei!a zialo mai mai thin e.
T.V thlir:-Tunhnai mai atang khan TV a thupuangtute hian TV hi min thlir tir fo ta mai,cinemate,inkhelte,Tv te kan en thin zawk a nih kha.
thingpui pawl:-Thingpui hi a pawl ngai lova,thingpui paw tih zawk tur ani.
rap:-Pangang hmul ther thur kan hmuh hian'ka rap roh'tih kan ching,pangang a kha kan rap lova,pangang khan mi rap zawk a,chuvangin 'mi rap roh'tih zawk tur ani.
12 comments:
eeee i rawn thawh chhuak tha khawp mai. Keini Mizo tawng "slang" hmang hrat ho tan chuan a tha lutuk i thil rawn ziah hi. Ka fing phah rapthlak :)
A tha bon top. Hetiang hi keipawh ka vei thei khawp mai. Kan belh hlek ila: Laina tihna turah leina ti kan awm zauh zauh. Peih leh Paih pawh hi kan hman pawlh nuk mai. Bawlhhlawh kan paih thin a, hnathawh erawh kan peih reilo..etc..
Sam met tih leh Lu met tih erawh sawisel tur ka hre lo thung. A dik lohna ka hre lo ve ve a, a hmangtu duhdan ni mai se, british leh american english ang deuh ni maiin ka hria.
ekhai! kan mamawh tak vek ani e..
hetiang hi thang tharte hian kan mamawh tawh kawp nia..hei hi tu zir loh nge ka hre lo..mahse kan hriat chian ang ang hi chu i inhrilh tawn zel teh ang u..wd
@illusionaire chutia mi?lawmawm thin e.
@puia,nia ti ro...kan lamrik dan ang hian kan ziak leh mai thin a..tin sam met leh lu met tih hi chu,hmeichhiate hian sam an tan a,mipa erawh chuan lu kan met thung..ni in ka hria.dik maw dik lo maw?
@azassk,kei hian nia mamawh chu...
@dr_poison,nia ti raw..kan hriat chhunte hi i in hrilh tawn zel ang u.
Ekhai ziak tha hle mai.
@Puia, ka hriat dan chuan Met tih hi chu 'Cut' nilovin 'trim' tihna ang deuh hi a ni a. Hmanlai pi pute hun lai atang tawh in thing te pawh an met thin. Sam atangin han meh leh tur chuang a awmlo. chuvangin Lu Met tih tur a ni ngei in ka ring. hehe
@awzzman, thnx for the link, ka lo link ve nghal che :-D
Puia thusawi ka thloplo.. lu met tih hi a dik a sam met hi a diklo thung. Achhan chu nihna ang diak diak hian tawngah hian anlet kherlo. Lu met tih hnu a sam met tih hi chu rawn awm a ni.
LOL - ka zak chem chem mai, ka bawhchhe kim hle mai :)
A lawmawm e. Tuna min rawn finchhuahna ho kha ka hriat chak ber chu a ni a. In han sawiho kha ka thlawp zawng tak a ni. Ni e, Hmakhawsang atangin Lumet/Lumeh chu an hman ber a ni. Chuvangin a dik zawk kan ti thei ngei ang.
Mahse, tunlai hian Sammet tih hi a dik zawk tia ngai tlat an tam ta hle a. Aizawl khawpuiah ngei pawh Lumahna dawr aiin Sammehna dawr a tam tawh zawkin ka hria. Engpawhnise, thang hi a chet a ngai a, tawng che lo chu a thi mai thin. Chuvangin Lumet tih te Sammet tih te pawh hi ti hian hmang kawp ve ve mai ila, a dik zawk, diklo zawk han tih a ralah chuan inhnial theih vek mai ani si a, pawmdam thiam ila a tha maiin ka hria. Tawng hausakna chikhatah kan pawm mai thei lo maw? lolzz
Ka vei leh pakhat chu: Kumin tihna turah Tunkum tih kan hmang nasa hle a. Kumin Sawmpuia'n nupui a nei dawn, tihna tur angah tunkumah hian sawmpuia'n nupui a nei dawn, kan ti nulh thin a, a dik lo a ni. A dang pawh a la tam, han thawh ve ula mawle..
nia ti raw U sawmte 'nihna ang diak diak hian tawngah hian anlet kherlo' chepa te pawh a nu hming koh na atan an hmang tho a,Kawrnu te pawh hi...kawrpa awm ve awm tak?lolz.
Han belh leh ila; tunlai hian 'Em ni' tihna turah 'A mi' tih kan hmang ta nuk mai a, kum 30 hnuai lam zingah hian a hluar bikin ka hria. Entirnan; I rawn kal hman ta lo em ni? tihna turah i rawn kal hman ta lo a mi? tih kan ching, a diklo. Em ni tih tur a ni.
Keipawhin ka thiam lo nasa a, tawng chungchang sawi takah chuan kan han sawi belh ta luam mai a ni e..:)
kawmen hlu tak tak in ron thoh a a lawmawm e..ti hi chuan kan fing ta uar mai...
Post a Comment