Lalpaah chuan lawm fo rawh u

Tlai khat chu rin loh tak mai in Thian pakhat hnen atangin sms ka dawng a,phone leh ATM card a tih bo thu leh rilru beidawng taka nun a hman thu,mi rawn hriattir na hi a ni a.A va pawi thin tak e aw....tih mai loh chu sawi tur a vang hle.Chutia rilru vai taka ka awm reng lai chuan "Lalpaah chuan lawm fo rawh u..A ni chu a hnai e,enga mah mangan suh u"tih hi ka rilru ah a rawn lang hlawl mai a.A ni pawh chu Luaithli nul a nun hman reng ai chuan Lalpa ah lawm na zawng zawk turin theih ang tawk in kan hnem ve a.

Mihring kan nih miau avangin he khawvel hringnun kawng chhuk chho tak kan zawh naah hian beidawnna te,hlawhchham changte,natna te,hrehawmna te kan tawk thin.Kan damchhungin heng harsatna te hian min kian san dawn si lo,chuvangin ngui leh khawvel nun thlahlel thei lo khawpa nun hman reng ai chuan engkim ah Lalpaah lawm na zawng i la,ti chuan kan lawm a kim zawk ngei ang.

Kan hlawhtlin changte hian,mahni theih vang liau liau a ngai lovin,Pathianin hlawhtling tur leh Thil ropui ti thei tura Vanneihna leh chaknate min pek avangin lawm zawk i la,tichuan kan lawm a nasa zawk ang.Mihringte hi nuam ti tur ringawta siam kan ni love,nuam lutukte hi a thlawn leh mai thin,A pik zawnga Khawvel hi thlir palh chuan thinlung hi a zing a,thih mai duh thut thut chang a awm hial thin.Engpawh kan chungah rawn thleng se Lalpaah lawm na chang hria ila,tichuan he lei anchhedawng hi anthradawngah a chang ngei ang.Mihring kan in thlau a,kan aia nuamsa leh hausa pui pui an awm bik thin te hi lo vei ve ringawt chi pawh a ni lo.Hlawhtlinna leh thiltihtheihnaahte hian mihringin duh tawk kan nei chuang lo,kan in awt chhawng thliah mai a ni,chung aia kan hriat fo thin tur chu kan Hlut ve zia hi a ni.

Aw nangni vui hmang te u,Pathian in khawvel hi siam tir ta che u sela,hei ai a thra a siam dan in hre dawn em ni?Chuvangin"Lalpaah chuan lawm fo rawh U".